Samstag, 22. Februar, ab 13 Uhr im Pfarreisaal Bueri
D Fasnacht 2014 wird de Hit – chomm i Pfarreisaal, de blibsch fit!
D’Hobbybühnemusig wird für gueti Stimmig sorge, die alti Garde vo de Noteheuer mit fasnächtliche Kläng de Zunftmeischter vo Äbike zu üs begleite und als Überraschig werdet mer e Senioregruppe gseh. Selbstverständlich wird’s Chochi- und Servicepersonal alli mit Spys und Trank verwöhne. Es wird wie immer es feins Zobig vom Pfarreirot offeriert. Mer hoffid, dass möglichscht vieli Seniore ab 65 Johr chömid und mit üs en gmüetliche Nomittag verbringed.
Em Name vom Pfarreirot Bueri-Perle und die freiwillige Helferinne
Für d’Organisation verantwortlich sind Martin und Silvia Hofstetter
