Vor einiger Zyt hed d’Frau Wimmer für ne Usflug avo plane und organisiere
was gar nid sälbstverständlich isch,
däfed mier Bewohner devo profitiere und so isch
am 17. Juni en schöne, ja en sehr heisse Tag erwacht –
am Horizont staht d’Sunne uf es isch en wahri Pracht
Nach em Mittagässe isch es den so wyt
Au Begleit Persone nähnt sich extra für üs zit
En spezielle Car tuet vor em Heim stah
Wo mer sogar mit de Rollstüehl zue stiege cha
Den gaht es Richtig Luzärn, ja en Stadt Rundfahrt dörfed mier gniesse
und s’Wahrzeiche Kappelbrugg, und all die Bekannte Türm löhnt mier grüesse
Den gaht die Fahrt wyter und mier betrachtet die romantische Bärge mit Schnee
Ja es wunderschöns Panorama chamer da gseh
Nach einiger Zyt sind mier a üsem Ziel Rotheburg im Toni Zoo a’cho
und die guete Begleit Persone hend mit üs en Rundgang unternoh
Ja vieli gross und chlieni Tier chamer da gseh
Die luschtige Äffli, Pinguine, Schlange, Ärdmändli, Pfaue und no viel meh
Später hend mier en feini Schwarzwälder Torte, und öpis ds’trinke übercho
Das hend mier alli gärn engäge gnoh
Nach eme Richhaltige Erläbnis fahred mier wieder mitenand
In froher Stimmig dur die idyllische Dörfer und Wälder ja über Land
Und scho gaht üsi herrlichi Abschluss Reis gäge Äbike zue
Und mir Betrachtet no einisch die Sunne strahlende Bärgketti in aller Rueh
Bewundernswärt isch die liebivolli Betreuig vo de Pflegerinne, ja wunderbar
dass mier ihne allne es härzlichs dankeschön säge isch doch klar
Den isch es mier sehr dra gläge
De fründliche Begleit Persone und im Chaffeur es härzlichs Danke z’säge
Alles liebi und Gueti wünscht Alice Greter
(Pflegeheim Höchweid Ebikon)
